Aqtóbede buǵan deiin oblysishilik avtobýstardyń qozǵalysyna tyiym salyndy. Al 1 mamyrdan bastap aýdan men qala arasyndaǵy qatynas qaita jandanady, dep habarlaidy "Ult aqparat".
Aqtóbe oblysy 31-naýryz kúninen beri «qyzyl» aimaqta ornalasqan. Ótken táýlikte oblysta 128 adamnan koronavirýs infektsiiasy anyqtaldy. Aqtóbe qalasymen birge Alǵa, Qarǵaly, Mártók, Muǵaljar, Temir, Oiyl, Qobda, Hromtaý aýdandarynda da aýyryp, infektsiialyq statsionarǵa jatqandar bar. COVID-19 juqtyrǵandardyń 76,9% jazyldy. Oblys boiynsha áli de 5500-den astam adam úi karantinde.
«Aqtóbede karantin shekteýi jeńildedi. Buǵan deiin oblysishilik avtobýstardyń júrýine tyiym salynǵan edi. Endi 1-mamyrdan bastap aýdandar men oblys ortalyǵyna qatynaityn qoǵamdyq kólikter qaida jumysyn jandandyrady. Al qalaaralyq, oblysaralyq turaqty avtobýstardyń, shaǵyn avtobýstardyń qozǵalysyna áli de tyiym salynǵan», - dep habarlady oblystyq sanitariialyq-epidemiologiialyq baqylaý departamentiniń baspasóz qyzmeti.
