Aqtóbe politsiiasy BTR tehnikasyn satpaq bolǵan adamdy anyqtady. Qazirgi kezde tergeý júrip jatyr, dep habarlaidy QazAqparat.
«Aqtóbe oblystyq politsiia departamenti ekstremizmge qarsy is-qimyl basqarmasynyń qyzmetkerleri Órleý aýylyndaǵy karerdiń aýmaǵynda qandai da bir belgileri men qujattary joq «BTR-60» tehnikasyn tapty. Tehnikanyń karer injenerine tiesili ekendigi anyqtaldy. Er adam ony shamamen 2000 jyldary belgisiz bireýden satyp alǵanyn jáne qajet bolmaǵan soń qaita satpaq bolǵanyn aitty. Naqtylasam, bul - atýǵa arnalǵan áskeri tehnika emes, jai qańqasy ǵana. Reseiden alǵan», - dep habarlady oblystyq PD baspasóz qyzmetiniń jetekshisi Erbolat Sarqulov.
Qazir Qylmystyq kodekstiń 386-baby 1-bóligi boiynsha is qozǵalyp, tirkeldi.
«BTR» Aqtóbe qalasyndaǵy kommýnaldyq avtoturaqqa qoiyldy.
