Aqtóbe turǵyny ózin banktiń qaýipsizdik qyzmetiniń qyzmetkeri retinde tanystyrǵan alaiaqqa senip, 1,2 million teńgesinen aiyryldy, dep habarlaidy "Ult aqparat" Aqtóbe oblystyq Politsiia departamentiniń baspasóz qyzmetine silteme jasap.
Baspasóz qyzmetiniń málimetterine qaraǵanda, oblys aýmaǵynda alaiaqtar kóbeidi. Olar ózderin bank qyzmetkerleri retinde tanystyryp, aqshany urlaýǵa tyrysady. Kóp jaǵdaida júie qarapaiym – olar sms kodtaryn jáne shottar men kartalar týraly basqa qupiia aqparatty alýǵa tyrysady.
Alaiaqtyqtyń osyndai túrine 53 jastaǵy qala turǵyny tap boldy. Belgisiz mobildi nómirden banktiń «qaýipsizdik qyzmetiniń» qyzmetkeri retinde beitanys adam qońyraý shalǵan. Qaskúnem, alaiaqtar onyń shotyn buzýǵa tyrysyp jatyr dep sendirip, olar muny istei almaýy úshin oǵan SMS-habarlama arqyly kelgen kodty aitýdy usyndy. Kodty alǵan alaiaq 2 nesie rásimdegen. Jalpy shyǵyn 1 million 250 myń teńgeni qurady. Atalǵan fakti boiynsha QR QK-niń 190-baby «Alaiaqtyq» boiynsha sotqa deiingi tergeý amaldary júrgizilýde.
«Osyndai jaisyz jaǵdailardyń aldyn alý úshin, eshkimge, tipti bank qyzmetkerine de jeke shottar men kartalarǵa qatysty SMS-kod jáne basqa derbes aqparatty aitýǵa bolmaidy. Azdap bolsa da kúmán týyndaǵan jaǵdaida, eshqandai áreket jasamaý kerek jáne operatsiiany rastaýdyń qajeti joq»-dedi aitty PD bastyǵy Atyǵai Arystanov.
«Esińizde bolsyn, bankter men tólem júieleri eshqashan hattardy jibermeidi nemese klientterdiń telefondaryna habarlasyp, shot derekterin berýin suramaidy. Urlyqtyń aldyn alý úshin barlyq qajetti aqparat bankterde bar»,-delingen politsiia aqparatynda.
