Aqtóbe oblysynda shekteý sharasy kúsheitildi, dep habarlaidy "Ult aqparat".
Aqtóbe oblystyq bas memlekettik sanitariialyq dárigeri Nursulý Berkimbaevanyń Qaýlysymen óńirde shekteý sharalary kúsheitildi.
Búgin jariialanǵan jańa Qaýlyǵa sáikes, meditsinalyq uiymdar ishi «las» jáne «taza» aimaqtarǵa bólinedi.
Menshik túrine qaramastan barlyq densaýlyq saqtaý uiymy kelýshilerdiń dene temperatýrasyn ólsheýi tiis.
COVID-19 anyqtalǵan jaǵdaida naýqastardy oqshaýlaýǵa izoliator uiymdastyrylýy qajet.
Statsionarǵa josparly emdeýge jatqyzylǵan kezde naýqastarda koronavirýsqa PTR-testileýdiń anyqtamasy bolýy tiis.
«Menshik túrine qaramastan oblystaǵy statsionarlarda meditsina qyzmetkerleriniń bólimshe arasyndaǵy qozǵalysy shekteledi. Patsientterge týystarynyń kelýine tyiym salynady. Qajet bolǵan jaǵdaida qashyqtan keńes berý usynylady. Úidegi karantinde jatqan adamdar úshin ýaqytsha eńbekke jaramsyzdyq paraqtaryn meditsinalyq uiymdarǵa barmai rásimdeý uiymdastyrylady», - dep jazylǵan Qaýlyda.
