Aqtóbe oblysynyń ákimi bolyp Ońdasyn Orazalin taǵaiyndaldy, dep habarlaidy "Ult aqparat".
QR Premer-Ministri Asqar Mamin oblys ákimdiginiń aktivine óńirdiń jańa basshysy Ońdasyn Orazalindi tanystyrdy.
Eske sala keteiik, Aqtóbe oblysynyń burynǵy ákimi Berdibek Saparbaev keshe Eńbek jáne halyqty áleýmettik qoldaý ministri bolyp taǵaiyndalǵan bolatyn. Ol Aqtóbe oblysynyń ákimi qyzmetine 2015 jyldyń qyrkúieginde kirisken edi.
Ońdasyn Orazalin 1963 jyly týǵan.
1985 jyly Aqtóbe pedagogikalyq institýtyn, 1991 jyly S.M.Kirov atyndaǵy Qazaq memlekettik ýniversitetin bitirgen.
1985-1986, 1987-1988 jyldary - Aqtóbe pedagogikalyq institýtynyń oqytýshysy.
1988-1990 jyldary - Aqtóbe pedagogikalyq institýtynyń komsomol komitetiniń hatshysy.
1990-1993 jyldary - jarnamalyq aqparattyq-kommertsiialyq agenttiktiń bólim bastyǵy.
1993-1999 jyldary - «Bank «Rika» AAQ basqarma tóraǵasy.
1999-2000 jyldary - «Obltransgaz» JAQ, «Aqtóbegaz» JAQ basqarma tóraǵasy.
2000-2003 jyldary - Aqtóbe oblysynyń Muǵaljar aýdanynyń ákimi.
2003-2004 jyldary - Aqtóbe oblystyq syrtqy ekonomikalyq bailanystar jáne investitsiialar basqarmasynyń bastyǵy.
2004-2005 jyldary - Aqtóbe oblysy ishki saiasat departamentiniń direktory.
2005-2006 jyldary - Aqtóbe oblysy ákiminiń orynbasary.
2006-2007 jyldary - Qazaqstan Respýblikasy Prezidenti Ákimshiliginiń memlekettik baqylaý jáne uiymdastyrý jumystary bóliminiń memlekettik inspektory.
2007-2008 jyldary - Qazaqstan Respýblikasy Prezidenti Ákimshiliginiń memlekettik baqylaý jáne uiymdastyrý jumystary bóliminiń meńgerýshisiniń orynbasary.
2008 jyldyń naýryz ben qazan aralyǵynda - Qazaqstan Respýblikasy Prezidenti Ákimshiliginiń memlekettik baqylaý jáne kadrlyq-uiymdastyrý jumysy bóliminiń meńgerýshisiniń orynbasary.
2008-2014 jyldary - Qazaqstan Respýblikasy Prezidenti Ákimshiliginiń memlekettik baqylaý jáne aýmaqtyq-uiymdastyrý jumysy bóliminiń meńgerýshisiniń orynbasary.
2014-2017 jyldary - Qazaqstan Respýblikasy Prezidenti Ákimshiliginiń memlekettik baqylaý jáne aýmaqtyq-uiymdastyrý jumysy bóliminiń meńgerýshisi.
Sońǵy taǵaiyndalýǵa sheiin 2017 jylǵy 22 naýryzynan bastap QR Prezidentiniń Ákimshiligi basshysynyń orynbasary qyzmetin atqardy.
«Qurmet» ordenimen (2008) jáne 3 medalmen marapattalǵan. Orys jáne aǵylshyn tilderin meńgergen.
