© Sputnik / Abzal Kaliev
Aqtóbe oblystyq densaýlyq saqtaý basqarmasynyń basshysy Erlan Sultangereev keshegi jol apatynan zardap shekkenderdiń qazirgi jaǵdaiy jaiynda aityp berdi, dep habarlaidy Ult.kz Sputnik Qazaqstanǵa silteme jasap.
12 adam qaza bolǵan jol apaty kezinde 6 jolaýshy aýyr jaraqat aldy. Barlyǵy Hromtaý aýdandyq aýrýhanasyna jetkizilgen bolatyn. Olardyń arasynda 16 jastaǵy jasóspirim de bar.
Erlan Sultangereevtiń aitýynsha, jasóspirimmen birge eki adamdy Aqtóbege jiberýge sheshim qabyldandy.
"Búgin biz sanaviatsiiamen úsh patsientti qalaǵa aparamyz. Olardyń arasynda 16 jastaǵy bala da bar. Onyń jaǵdaiy aýyr. Jasóspirimdi alyp ketýge arnaiy brigadany jiberdik. Olar tasymaldaý kezinde balanyń janynda bolady", - dedi basqarma basshysy jýrnalisterge bergen suhbatynda.
Aita keteri, keshegi jol apatynda zardap shekken 4 adam jansaqtaý bólimine jatqyzylǵan bolatyn. Al ekeýi jalpy bólimde em qabyldap jatyr.
