© Sputnik / ابزال كاليەۆ
اقتٶبە وبلىستىق دەنساۋلىق ساقتاۋ باسقارماسىنىڭ باسشىسى ەرلان سۇلتانگەرەەۆ كەشەگٸ جول اپاتىنان زارداپ شەككەندەردٸڭ قازٸرگٸ جاعدايى جايىندا ايتىپ بەردٸ, دەپ حابارلايدى Ult.kz Sputnik قازاقستانعا سٸلتەمە جاساپ.
12 ادام قازا بولعان جول اپاتى كەزٸندە 6 جولاۋشى اۋىر جاراقات الدى. بارلىعى حرومتاۋ اۋداندىق اۋرۋحاناسىنا جەتكٸزٸلگەن بولاتىن. ولاردىڭ اراسىندا 16 جاستاعى جاسٶسپٸرٸم دە بار.
ەرلان سۇلتانگەرەەۆتٸڭ ايتۋىنشا, جاسٶسپٸرٸممەن بٸرگە ەكٸ ادامدى اقتٶبەگە جٸبەرۋگە شەشٸم قابىلداندى.
"بٷگٸن بٸز ساناۆياتسييامەن ٷش پاتسيەنتتٸ قالاعا اپارامىز. ولاردىڭ اراسىندا 16 جاستاعى بالا دا بار. ونىڭ جاعدايى اۋىر. جاسٶسپٸرٸمدٸ الىپ كەتۋگە ارنايى بريگادانى جٸبەردٸك. ولار تاسىمالداۋ كەزٸندە بالانىڭ جانىندا بولادى", - دەدٸ باسقارما باسشىسى جۋرناليستەرگە بەرگەن سۇحباتىندا.
ايتا كەتەرٸ, كەشەگٸ جول اپاتىندا زارداپ شەككەن 4 ادام جانساقتاۋ بٶلٸمٸنە جاتقىزىلعان بولاتىن. ال ەكەۋٸ جالپى بٶلٸمدە ەم قابىلداپ جاتىر.
