Foto: polisia.kz
Aqtóbe oblysynda bolǵan jantúrshigerlik jol apatynan keiin Respýblika kúnine arnalǵan merekelik gala-kontsert pen otshashýdy ótkizbeýge sheshim qabyldandy, dep habarlaidy Aqtóbe oblysy ákimdiginiń baspasóz qyzmeti.
Gala-kontsert pen otshashý oblys ortalyǵynyń alańynda ótkizý josparlanǵan bolatyn. Biraq ákimdik merekelik sharalardy ótkizbeýge sheshim shyǵardy.
"Qurmetti qala turǵyndary men qonaqtary! 25 qazan kúni saǵat 19:00-de "Qazaq halqyna myń alǵys" alańynda ótkizý josparlanǵan gala-kontsert pen otshashý óńirde bolǵan qaiǵyly jaǵdaiǵa bailanysty ótpeitindigin habarlaimyz", - delingen resmi habarlamada.
Eske sala keteiik, keshe tańǵy saǵat 08:40 shamasynda Aqtóbe oblysynda Belqopa aýylynyń mańynda jantúrshigerlik jol apaty bolyp, 12 adam kóz jumdy. Olardyń arasynda eki bala bar. Aman qalǵan 6 jolaýshy Hromtaý aýdandyq aýrýhanasyna jetkizildi.
