Aqtóbe oblysynda birneshe avtokóliktiń soqtyǵysýy saldarynan jol kólik oqiǵasy boldy, - dep habarlaidy "Ult aqparat" Polisia.kz Telegram-arnasyna silteme jasap.
IIM baspasóz qyzmeti málimetinshe, 23 aqpan Samara–Shymkent avtojolynda Marjanbulaq aýlynyń mańynda 11 avtokólik soqtyǵysqan. Aldyn ala málimetter boiynsha, JKO joldyń nashar kórinýi saldarynan bolǵan.
Zardap shekkender joq.
Aita keteiik, qazir Aqtóbe oblysynda birneshe baǵytta jol jabylǵan. Olar - Samara-Shymkent tasjolynyń Marjanbulaq aýylynan BQO aýmaǵyna deiingi bóligi, Bekqul baba-Qaraburaq aýyldarynyń aralyǵy.
Sondai-aq Aqtóbe-Orsk, Aqtóbe-Orynbor trassasynda da boran kúsheigen. Aqtóbe-Atyraý baǵytynda da kólik qatynasyna shekteý qoiyldy.
«Boljam boiynsha boran saldarynan jol múlde kórinbei qalǵan. Adamdar aman, alaida kólikter búlindi. Aqtóbe oblysynyń politseileri jol qozǵalysy kezinde jyldamdyqty, araqashyqtyqty saqtaýdy eskertedi. Kóktaiǵaq kezinde kólik quraldarynyń júrgizýshileri kenetten manevr jasamaýy tiis. Al, jaiaý júrginshiler joldan ótý kezinde jaqyn mańda avtokóliktiń joq ekenine kóz jetkizýi kerek. Qazir Aqtóbe oblysyndaǵy barlyq avtojol jabyq», - deidi oblystyq PD baspasóz qyzmetiniń jetekshisi Erbolat Sarqulov.
