اقتٶبە وبلىسىندا بٸرنەشە اۆتوكٶلٸكتٸڭ سوقتىعىسۋى سالدارىنان جول كٶلٸك وقيعاسى بولدى, - دەپ حابارلايدى "ۇلت اقپارات" Polisia.kz Telegram-ارناسىنا سٸلتەمە جاساپ.
ٸٸم باسپاسٶز قىزمەتٸ مەلٸمەتٸنشە, 23 اقپان سامارا–شىمكەنت اۆتوجولىندا مارجانبۇلاق اۋلىنىڭ ماڭىندا 11 اۆتوكٶلٸك سوقتىعىسقان. الدىن الا مەلٸمەتتەر بويىنشا, جكو جولدىڭ ناشار كٶرٸنۋٸ سالدارىنان بولعان.
زارداپ شەككەندەر جوق.
ايتا كەتەيٸك, قازٸر اقتٶبە وبلىسىندا بٸرنەشە باعىتتا جول جابىلعان. ولار - سامارا-شىمكەنت تاسجولىنىڭ مارجانبۇلاق اۋىلىنان بقو اۋماعىنا دەيٸنگٸ بٶلٸگٸ, بەكقۇل بابا-قارابۇراق اۋىلدارىنىڭ ارالىعى.
سونداي-اق اقتٶبە-ورسك, اقتٶبە-ورىنبور تراسساسىندا دا بوران كٷشەيگەن. اقتٶبە-اتىراۋ باعىتىندا دا كٶلٸك قاتىناسىنا شەكتەۋ قويىلدى.
«بولجام بويىنشا بوران سالدارىنان جول مٷلدە كٶرٸنبەي قالعان. ادامدار امان, الايدا كٶلٸكتەر بٷلٸندٸ. اقتٶبە وبلىسىنىڭ پوليتسەيلەرٸ جول قوزعالىسى كەزٸندە جىلدامدىقتى, اراقاشىقتىقتى ساقتاۋدى ەسكەرتەدٸ. كٶكتايعاق كەزٸندە كٶلٸك قۇرالدارىنىڭ جٷرگٸزۋشٸلەرٸ كەنەتتەن مانەۆر جاساماۋى تيٸس. ال, جاياۋ جٷرگٸنشٸلەر جولدان ٶتۋ كەزٸندە جاقىن ماڭدا اۆتوكٶلٸكتٸڭ جوق ەكەنٸنە كٶز جەتكٸزۋٸ كەرەك. قازٸر اقتٶبە وبلىسىنداعى بارلىق اۆتوجول جابىق», - دەيدٸ وبلىستىق پد باسپاسٶز قىزمەتٸنٸڭ جەتەكشٸسٸ ەربولات سارقۇلوۆ.
