Aqtóbe oblysyndaǵy sý tasqynynyń 15-16 sáýirdegi deńgeii tómendei bastady. Bul týraly Aqtóbe oblysynyń tótenshe jaǵdailar departamenti basshysy Baýyrjan Syzdyqov baspasóz máslihaty kezinde habarlady, - dep habarlaidy kaz.tengrinews.kz "Aqtóbe aqparat" ortalyǵyna silteme jasap.
"Sý deńgeii kún saiyn tómendeitin bolady. Jedel málimetter boiynsha saiajailardaǵy 579 úi men aýlany sý basyp, 1174 adam qaýipsiz jerlerge kóshirildi, 69-y qutqaryldy. Adamdardy ýaqytsha ornalastyrý beketteriniń jeteýinde 502 adam bar, onyń ishinde 159-y balalar. Olardy úsh ret tamaqtandyrý jaǵy uiymdastyrylǵan. 672 adam týystarynyń úilerine ornalasty. Tasqyn saldarynan zardap shekkenderdiń deni - deni jyl boiy adam turmaityn baýbaqsha ujymdary ekendigin eskertkim keledi. Jumystar oblystyń barlyq aýdandarynda júrgizilip jatyr", -dep atap ótti Syzdyqov.
16 sáýirde sý qoimalary men ózenderdi, sonymen birge oblystaǵy sý basqan jer telimderin ushaqpen aralap shyǵyp, Hromtaý, Mártók jáne qarǵaly aýdandarynyń jaǵdaiy tekserilýde. Sońǵy eki aýdandarda Elek (27 m) jáne Qarǵaly (70 m) ózenderiniń arnasynan shyǵý oryndaryn qorshaý boiynsha aldyn alý jumystary júrgizildi.
"30-31 naýryz kúnderi óńirde jaýyn-shashynnyń ailyq mólsheri tústi. Bul - atalmysh jaǵdaidyń oryn alýyna birden bir sebep. Oǵan qosa, kóktemniń uzaqqa sozylýy da bar: 10 sáýirde ózenderde muz qatyp, al dalada qar jatty. 8 sáýirden bastap kún kúrt jylynyp, qar eri bastady. Qarǵaly jáne Aqtóbe sý qoimalarynyń sý jinaǵyshtarynda áli kúnge deiin jerdiń 11 den 21 santimetrge deiin qatýy saqtalýda, iaǵni joǵarydan erigenimen, sińbeidi de, barlyq sý sý qoimalaryna jinalady", - dep túsindirdi TJD basshysy.
Halyqty áleýmettik jeliler, teledidar, sms habarlamalar arqyly habardar etý, sonymen qatar, aldyn alý sharalaryn qabyldaý qajettigi týraly aýlalardy aralap shyǵý jumystary jalǵasýda. Elek ózeniniń eki jaǵasyna da qulaqtandyrý, qoǵamdyq tártipti qadaǵalaý, materialdyq quraldardy shyǵarýǵa jáne ýaqytsha ornalastyrý beketterine jetkizýge kómektesý toptary jiberildi. Tasqyn qaýiptiligi bar ózenderdiń saǵasynda turatyn 876 aýla qulaqtandyrylyp, 523 adam kóshýden bas tartty.
Sýretter: "Aqtóbe aqparat" ortalyǵy
Apat-qutqarý jumystaryna 497 adam, 127 birlik tehnika, 12 júzý quraldary tartyldy. Oblys aýmaǵynda 13 tasqynǵa qarsy shtab qurylyp, turǵyndardan 1834 tapsyrys tústi, 4145 m3 inerttik materialdar ákelinip, 205,8 myń m3 sý aidaldy, 10 050 ydys-qap tóseldi. Eske sala keteiik, 16 sáýirde Aqtóbede jergilikti deńgeidiń tabiǵi sipattaǵy tótenshe jaǵdaiy jariialanǵan bolatyn.
Tasqyndy joiý oryndarynan kóshirilgen azamattardyń múlikterin tonaýǵa jol bermeý maqsatynda 21 beketi ornatyldy.
