Foto: Altynai Saǵyndyqova
Aqtóbe oblysy Yrǵyz aýdany Quilys aýylynda keshe túnde bógetten sý ótip ketti. Tolqyn kúsheigen kezde bógeý jumystary qaita jandandy, dep habarlaidy «Ult aqparat» Kazinform-ǵa silteme jasap.
Yrǵyz aýdanyndaǵy Quilys aýylynda sý tasqynyna qarsy kúres jumystary 4 sáýir kúni bastaldy. Búginge deiin bógetti bekitý jumysy jalǵasyp jatyr. Keshe túnde tolqyn kúsheiip, sol bógetten sý ótti.
- Túnde jaǵdai qiyn boldy. Jel kúsheiip, tolqyn boldy. Teńiz jaǵasy qandai bolsa, bizde de sondai jaǵdai. Qorqynyshty boldy, sebebi aýyl mańy teńiz siiaqty sýǵa toldy. Jeldiń jyldamdyǵy sekýndyna 40 metrdi qurady desek bolady. Biraq aýyl sýǵa ketpedi. Qazirgi kezde 100 adam jumys istep jatyr. Aýylda 12 tehnika bar. 4 tiegish, 7 KamAZ jáne 1 K700 bar. Mundaǵy jaǵdaidy kelip, kórý kerek. Bizdiń tasqynmen kúresip jatqanymyzǵa 50 kún boldy. Bul shalshyq emes, bul úlken sý. Sý áli kelip jatyr, - dedi Táýip aýyldyq okrýginiń ákimi Kamal Tileýjanov.
Aqtóbe oblysy ákiminiń baspasóz qyzmetiniń habarlaýynsha, aýylda 100 adam jumys istep jatsa, onyń 40-y №20982 áskeri bóliminiń 40 qyzmetkeri. Azyq-túlik jáne janar-jaǵarmai men qapshyqtar aýdan ortalyǵynan jetkizilip jatyr.
Al Aqtóbe oblystyq TJD baspasóz qyzmetiniń habarlaýynsha, aýyldyń shetinde ornalasqan bógetten sý ótken, degenmen bógeý jumystary júrgizildi. Al úilerge sý kirgen joq.
