فوتو: التىناي ساعىندىقوۆا
اقتٶبە وبلىسى ىرعىز اۋدانى قۇيلىس اۋىلىندا كەشە تٷندە بٶگەتتەن سۋ ٶتٸپ كەتتٸ. تولقىن كٷشەيگەن كەزدە بٶگەۋ جۇمىستارى قايتا جانداندى, دەپ حابارلايدى «ۇلت اقپارات» Kazinform-عا سٸلتەمە جاساپ.
ىرعىز اۋدانىنداعى قۇيلىس اۋىلىندا سۋ تاسقىنىنا قارسى كٷرەس جۇمىستارى 4 سەۋٸر كٷنٸ باستالدى. بٷگٸنگە دەيٸن بٶگەتتٸ بەكٸتۋ جۇمىسى جالعاسىپ جاتىر. كەشە تٷندە تولقىن كٷشەيٸپ, سول بٶگەتتەن سۋ ٶتتٸ.
- تٷندە جاعداي قيىن بولدى. جەل كٷشەيٸپ, تولقىن بولدى. تەڭٸز جاعاسى قانداي بولسا, بٸزدە دە سونداي جاعداي. قورقىنىشتى بولدى, سەبەبٸ اۋىل ماڭى تەڭٸز سيياقتى سۋعا تولدى. جەلدٸڭ جىلدامدىعى سەكۋندىنا 40 مەتردٸ قۇرادى دەسەك بولادى. بٸراق اۋىل سۋعا كەتپەدٸ. قازٸرگٸ كەزدە 100 ادام جۇمىس ٸستەپ جاتىر. اۋىلدا 12 تەحنيكا بار. 4 تيەگٸش, 7 كاماز جەنە 1 ك700 بار. مۇنداعى جاعدايدى كەلٸپ, كٶرۋ كەرەك. بٸزدٸڭ تاسقىنمەن كٷرەسٸپ جاتقانىمىزعا 50 كٷن بولدى. بۇل شالشىق ەمەس, بۇل ٷلكەن سۋ. سۋ ەلٸ كەلٸپ جاتىر, - دەدٸ تەۋٸپ اۋىلدىق وكرۋگٸنٸڭ ەكٸمٸ كامال تٸلەۋجانوۆ.
اقتٶبە وبلىسى ەكٸمٸنٸڭ باسپاسٶز قىزمەتٸنٸڭ حابارلاۋىنشا, اۋىلدا 100 ادام جۇمىس ٸستەپ جاتسا, ونىڭ 40-ى №20982 ەسكەري بٶلٸمٸنٸڭ 40 قىزمەتكەرٸ. ازىق-تٷلٸك جەنە جانار-جاعارماي مەن قاپشىقتار اۋدان ورتالىعىنان جەتكٸزٸلٸپ جاتىر.
ال اقتٶبە وبلىستىق تجد باسپاسٶز قىزمەتٸنٸڭ حابارلاۋىنشا, اۋىلدىڭ شەتٸندە ورنالاسقان بٶگەتتەن سۋ ٶتكەن, دەگەنمەن بٶگەۋ جۇمىستارى جٷرگٸزٸلدٸ. ال ٷيلەرگە سۋ كٸرگەن جوق.
