Foto: autoassa.ru
Shalqar-Bozoi trassasynda apatqa ushyraǵan Toyota Land Cruiser jol talǵamaityn kóliginde bolǵan ekinshi oqýshy qyz Aqtóbe aýrýhanasynda kóz jumdy, - dep habarlaidy "Ult aqparat" "Moi gorod" basylymyna silteme jasap.
Eske salaiyq, qaiǵyly oqiǵa 4 naýryzda keshke bolǵan. Toǵyzynshy synyp oqýshysy Toyota Land Cruiser kóliginiń rólin basqara almai, aýdarylyp qalǵan. Kólik salonynda júrgizýshiden basqa taǵy eki ul men eki qyz bolǵan. Olardyń bári - Shalqar qalasyndaǵy mekteptiń toǵyzynshy synyp oqýshylary.
Oqiǵa saldarynan bir oqýshy qyz sol jerde qaza bolǵan, ekinshisi aýyr halde aýrýhanaǵa jetkizildi. 16 jastaǵy oqýshy qyzda ashyq bas-mi jaraqaty, mi ishilik qan quiylý, midyń isinýi, bas súieginiń synýy boljanǵan. Zardap shegýshi komaǵa túsip, 5 naýryzda saǵat 18:30-da qaza bolǵan.
15 jastaǵy 1 bala tekserilgennen keiin ambýlatorlyq em alýǵa úiine jiberilgen, onyń denesi kógergen, aiaq-qoly jaralanǵan. 15 jastaǵy eki ul oblystyq balalar aýrýhanasyna jiberilgen. Birinde jambas súieginiń tómengi ushy synsa, ekinshisiniń aiaǵy birneshe jerden synǵan.
Aqtóbe oblysynyń Politsiia departamenti 9-synyp oqýshysy aǵasynan suramai, Toyota Land Cruiser kóligin alyp ketkenin habarlady. Atalǵan derekke qatysty QR Qylmystyq kodeksiniń 345-baby 3-bóligi "Abaisyzda adam ólimine ákep soqqan jol qozǵalysy erejelerin buzý" boiynsha sotaldy tergeý bastaldy.
