فوتو: autoassa.ru
شالقار-بوزوي تراسساسىندا اپاتقا ۇشىراعان Toyota Land Cruiser جول تالعامايتىن كٶلٸگٸندە بولعان ەكٸنشٸ وقۋشى قىز اقتٶبە اۋرۋحاناسىندا كٶز جۇمدى, - دەپ حابارلايدى "ۇلت اقپارات" "موي گورود" باسىلىمىنا سٸلتەمە جاساپ.
ەسكە سالايىق, قايعىلى وقيعا 4 ناۋرىزدا كەشكە بولعان. توعىزىنشى سىنىپ وقۋشىسى Toyota Land Cruiser كٶلٸگٸنٸڭ رٶلٸن باسقارا الماي, اۋدارىلىپ قالعان. كٶلٸك سالونىندا جٷرگٸزۋشٸدەن باسقا تاعى ەكٸ ۇل مەن ەكٸ قىز بولعان. ولاردىڭ بەرٸ - شالقار قالاسىنداعى مەكتەپتٸڭ توعىزىنشى سىنىپ وقۋشىلارى.
وقيعا سالدارىنان بٸر وقۋشى قىز سول جەردە قازا بولعان, ەكٸنشٸسٸ اۋىر حالدە اۋرۋحاناعا جەتكٸزٸلدٸ. 16 جاستاعى وقۋشى قىزدا اشىق باس-مي جاراقاتى, مي ٸشٸلٸك قان قۇيىلۋ, ميدىڭ ٸسٸنۋٸ, باس سٷيەگٸنٸڭ سىنۋى بولجانعان. زارداپ شەگۋشٸ كوماعا تٷسٸپ, 5 ناۋرىزدا ساعات 18:30-دا قازا بولعان.
15 جاستاعى 1 بالا تەكسەرٸلگەننەن كەيٸن امبۋلاتورلىق ەم الۋعا ٷيٸنە جٸبەرٸلگەن, ونىڭ دەنەسٸ كٶگەرگەن, اياق-قولى جارالانعان. 15 جاستاعى ەكٸ ۇل وبلىستىق بالالار اۋرۋحاناسىنا جٸبەرٸلگەن. بٸرٸندە جامباس سٷيەگٸنٸڭ تٶمەنگٸ ۇشى سىنسا, ەكٸنشٸسٸنٸڭ اياعى بٸرنەشە جەردەن سىنعان.
اقتٶبە وبلىسىنىڭ پوليتسييا دەپارتامەنتٸ 9-سىنىپ وقۋشىسى اعاسىنان سۇراماي, Toyota Land Cruiser كٶلٸگٸن الىپ كەتكەنٸن حابارلادى. اتالعان دەرەككە قاتىستى قر قىلمىستىق كودەكسٸنٸڭ 345-بابى 3-بٶلٸگٸ "ابايسىزدا ادام ٶلٸمٸنە ەكەپ سوققان جول قوزعالىسى ەرەجەلەرٸن بۇزۋ" بويىنشا سوتالدى تەرگەۋ باستالدى.
