Aqtóbe oblysynda politseiler joǵalyp ketken erekshe balanyń máiiti tabylǵanyn málimdedi. Joǵalǵany balany izdeý jumystary 4 táýlikke jalǵasqan edi.
“Búgin 13 jasar joǵalǵan balanyń denesi sýdan tabyldy. Aqtóbe oblysy TJD jedel qutqarý jasaǵynyń qutqarýshylary Elek ózeni, aimaǵynda saǵat 09:45-te jaǵadan 15 metr qashyqtyqta 1.5 tereńdikten joǵalǵan balanyń denesin sýdan shyǵardy. Qazirgi tańda denesi politsiia qyzmetkerlerine berildi”, – dep habarlaidy TJD-niń baspasóz qyzmeti.
Osy ýaqytqa deiin qutqarýshylar, kinologtar, politsiia qyzmetkerleri, 20982, 6655 áskeri bólim, jergilikti turǵyndar jáne eriktiler izdestirý jumystaryn júrgizdi.
“Kámelet jasqa tolmaǵan Kárim Jetirýdy izdestirý sharalaryn júrgizý barysynda denesi Iýrta meiramhanasynyń mańyndaǵy Elek ózeninen tabyldy. Politsiia, eriktiler jáne bei-jai qaramaityn azamattar joǵalǵan adamnyń ornalasqan jerin anyqtaýǵa baǵyttalǵan izdestirý sharalaryn júrgizdi”, – dep habarlaidy oblystyq DP-niń baspasóz qyzmeti.
Balany izdeýge 500-ge jýyq adam jumyldyrylǵan, onyń ishinde politsiia, tótenshe jaǵdailar qyzmeti, qyzmettik itter men 40 tehnika bar. Oǵan úsh kvadrotsikl, eki qaiyq, birneshe jylqy tartylyp, ushqyshsyz ushaqtar qoldanyldy. Sonymen qatar izdeý jumystaryna keiin tikushaq ta jumyldyryldy.
Eske salaiyq, aýtizm dertine shaldyqqan bala 4 maýsym kúni ata-ájesiniń úiinen shyǵyp, joǵalyp ketken. Týystary messendjerlerde balanyń aýladan ishkiim men jeidemen shyqqan videosyn jariialady. Bul sát kóshedegi beinebaqylaý kameralaryna túsip qalǵan.
