Sýret ashyq derekkózden alyndy
Alǵa aýdanyndaǵy jer úilerdiń birinde tabiǵi gaz jarylyp, úidiń qabyrǵasy men shatyryn qiratyp jibergen. 4 adam jaralandy, dep habarlaidy QazAqparat QR Tótenshe jaǵdailar departamentiniń baspasóz qyzmetine silteme jasap.
Oqiǵa Marjanbulaq aýylynda bolǵan.
«23 qańtar 17:40-ta «112» nómirine Aqtóbe oblysy Alǵa aýdany Marjanbulaq aýylynda Shámshi Qaldaiaqov kóshesindegi jer úilerdiń birinde gaz jarylǵany týraly habar kelip tústi. Oqiǵa ornyna 2 tehnika men TJD eki qyzmetshisi bardy. Jarylys saldarynan tórt adam zardap shekti, olar oblystyq kópbeiindi aýrýhananyń travmatologiia bólimine jetkizildi. Qurbandar joq», - dep habarlady TJ departamentiniń baspasóz qyzmeti.
Dárigerler zardap shekkenderdiń jaǵdaiy qalypty deidi. Olardyń denesin 9%-ten 19%-ke deiin túrli dárejede kúiik shalǵan.
Buǵan deiin 20 qańtarda Yrǵyz aýdany Nura aýylyndaǵy jer úilerdiń birinde gaz ballony jarylǵan. Jarylys saldarynan úidiń qabyrǵasy qulap, órt shyqqan. Kóp uzamai órt sóndirildi, úsh adam zardap shekti: 1965, 1994 jyly týǵan eki er adam men 1970 jylǵy áiel. Zardap shekkenderdiń denesiniń 25%-in kúiik shalǵan, olar Yrǵyz aýdandyq ortalyq aýrýhanaǵa jatqyzyldy.
