سۋرەت اشىق دەرەككٶزدەن الىندى
العا اۋدانىنداعى جەر ٷيلەردٸڭ بٸرٸندە تابيعي گاز جارىلىپ, ٷيدٸڭ قابىرعاسى مەن شاتىرىن قيراتىپ جٸبەرگەن. 4 ادام جارالاندى, دەپ حابارلايدى قازاقپارات قر تٶتەنشە جاعدايلار دەپارتامەنتٸنٸڭ باسپاسٶز قىزمەتٸنە سٸلتەمە جاساپ.
وقيعا مارجانبۇلاق اۋىلىندا بولعان.
«23 قاڭتار 17:40-تا «112» نٶمٸرٸنە اقتٶبە وبلىسى العا اۋدانى مارجانبۇلاق اۋىلىندا شەمشٸ قالداياقوۆ كٶشەسٸندەگٸ جەر ٷيلەردٸڭ بٸرٸندە گاز جارىلعانى تۋرالى حابار كەلٸپ تٷستٸ. وقيعا ورنىنا 2 تەحنيكا مەن تجد ەكٸ قىزمەتشٸسٸ باردى. جارىلىس سالدارىنان تٶرت ادام زارداپ شەكتٸ, ولار وبلىستىق كٶپبەيٸندٸ اۋرۋحانانىڭ تراۆماتولوگييا بٶلٸمٸنە جەتكٸزٸلدٸ. قۇرباندار جوق», - دەپ حابارلادى تج دەپارتامەنتٸنٸڭ باسپاسٶز قىزمەتٸ.
دەرٸگەرلەر زارداپ شەككەندەردٸڭ جاعدايى قالىپتى دەيدٸ. ولاردىڭ دەنەسٸن 9%-تەن 19%-كە دەيٸن تٷرلٸ دەرەجەدە كٷيٸك شالعان.
بۇعان دەيٸن 20 قاڭتاردا ىرعىز اۋدانى نۇرا اۋىلىنداعى جەر ٷيلەردٸڭ بٸرٸندە گاز باللونى جارىلعان. جارىلىس سالدارىنان ٷيدٸڭ قابىرعاسى قۇلاپ, ٶرت شىققان. كٶپ ۇزاماي ٶرت سٶندٸرٸلدٸ, ٷش ادام زارداپ شەكتٸ: 1965, 1994 جىلى تۋعان ەكٸ ەر ادام مەن 1970 جىلعى ەيەل. زارداپ شەككەندەردٸڭ دەنەسٸنٸڭ 25%-ٸن كٷيٸك شالعان, ولار ىرعىز اۋداندىق ورتالىق اۋرۋحاناعا جاتقىزىلدى.
