Aqtóbe oblysynda 48 jastaǵy turǵyn quldyqtan qutqaryldy, dep habarlaidy QazAqparat.
QR Ishki ister ministrliginiń baspasóz ókili Shuǵyla Turlybek arnaiy brifingte osyndai málimet aitty.
«Aqtóbe oblysynda jedel-profilaktikalyq is-sharalar barysynda 47 jastaǵy sharýa qojalyǵynyń basshysy ustaldy. Ol 2019 jyldyń shildesinen 2022 jyldyń qańtaryna deiin 48 jastaǵy oblys turǵynyn kúsh kórsetý jáne qorqytý arqyly jumysqa salyp kelgen. Ol kóbinese mal baǵý men úi sharýashylyǵyndaǵy jumystarǵa jegilgen. Qazir osy oqiǵa boiynsha sotqa deiingi tekserý júrip jatyr. Jábirlenýshi qajetti kómek alý úshin daǵdarys ortalyǵyna ornalastyryldy», - dedi IIM ókili.
Al Qyzylorda oblysynda kolledjdiń 2 kýrs stýdentin aldaý arqyly apta boiy jezókshelikpen ainalysýǵa májbúrlegen áiel ustalǵan.
«Ol internette intimdik qyzmet kórsetý týraly habarlandyrýlar jariialap, kiristiń jartysyn iemdenip otyrǵan. Sondai-aq, kriminaldyq politsiia qyzmetkerleri Nur-Sultan qalasynyń temirjol vokzalyndaǵy kóliktegi politsiia departamentimen birlesip Ózbekstanda adam saýdasy úshin memleketaralyq izdeýde júrgen qylmyskerdi ustady», - dedi Shuǵyla Turlybek.
