Foto: depositphotos.com
Aqtóbe oblysynda tasqyn sý aǵyzyp áketken tórt túliktiń quny ótelip jatyr, - dep habarlaidy "Ult aqparat" 24KZ telearnasyna silteme jasap.
Búginde 980 bas malǵa 152 mln teńge tólengen. Jalpy óńirde úsh myńnan astam maldyń qyrylǵany belgili. Tabiǵi apat saldaryn joiý maqsatynda qurylǵan komissiia jumysy jalǵasyp jatyr. Oblystyq aýyl sharýashylyǵy basqarmasy ókilderi mal shyǵynyna ótemaqy alýdyń algoritmi bekitilgendigin málimdedi. Árbir túlikke jas ereksheligine qarai naryqtaǵy quny oblystyq biýdjet esebinen tólenedi.
"Eń birinshi maldyń óleksesi bolýy kerek. Qulaǵynda syrǵasy bolýy kerek. Sonymen qatar, aýylsharýashylyǵy bazasynda tirkelýde turýy kerek. Ekinshi, syrǵasy bolmasa da biraq aýylsharýashylyǵy bazasynda tirkeýde bolýy kerek. Sol jaǵdaida ǵana biýdjettik qarajattar tólenip jatyr aýdandyq komissiiamen. Al basqa da joǵalyp ketken faktiler bar. Ol boiynsha qazirgi tańda komissiia óz jumystaryn jalǵastyryp jatyr", - deidi oblystyq aýyl sharýashylyǵy jáne jer qatynastary basqarmasy basshysynyń orynbasary Rústem Óteshev.
