Aqtóbe oblysynda karantindik shekteý sharalary keibir biznes sýbektisine jeńildetilip, birine qaita kúsheitildi. Endi jabyq bazarlar senbi, jeksendi kúni jumys istemeidi. Al monsha men sulýlyq salondary ishki erejemen qyzmet kórsetedi, dep habarlaidy "Ult aqparat".
Aqtóbe oblysynda kásipkerler qazir «Ashyq» pilottyq jobasyn qoldanysqa engizip jatyr. Mobildik qosymsha keibir nysannyń esh kedergisiz jumys isteýine múmkindik berdi. Máselen, fitnes ortalyqtary, saýna, bassein, kompiýterlik klýbtar men boýling, kinoteatr, kontsert zaldary osy qatarda.
Oblystyq sanitariialyq-epidemiologiialyq baqylaý departamenti baspasóz qyzmetiniń habarlaýynsha, balalardy saýyqtyrý lagerleri men mektepterdegi ashanalardyń jumysyna, sabaqtan tys ýaqytta oqýshylardy jeke oqytýǵa, aýyzashar berýge ruqsat joq. Sondai-aq qala saiabaqtarynda, jaǵalaýlarynda jáne skverlerinde balalar men eresekterge arnalǵan elektromobilder, samokat, karting qyzmetin qoldanýǵa bolmaidy. Al sporttyq jattyǵýǵa ruqsat berilgen. Tek 30 adamnan artyq jinalýǵa bolmaidy.
«Kóshede tamaq satatyn arnaiy oryndardyń jumysyna ruqsat bar. Olar: tez daiyndalatyn tamaq ónimderin, ponchik, balmuzdaq, kókónis satý qyzmeti.
Sondai- aq qoǵamdyq kólikte, taksi, áýejai, temirjol vokzaldary men avtovokzaldarda, azyq-túlik jáne azyq-túlik emes bazarlarda, aialdamada, úilerdiń kireberisinde sanitariialyq jáne dezinfektsiialyq óńdeý jumystaryn júrgizý kúsheitilýi tiis.
Arnaiy, mamandandyrylǵan uiymdar, erekshe bilim berý qajettilikteri bar balalarǵa arnalǵan arnaiy mektep-internattar jabyq rejimde jumys isteýin jalǵastyrady. Joǵary oqý oryndarynyń I kýrs stýdentteri offlain, kolledjderdiń I kýrs stýdentteri qashyqtan oqytý formatyna kóshedi.
Ashyq bazarlar (azyq-túlik, mal, azyq-túlik emes), caýna, SPA-ortalyq, bassein, jabyq bazarlar (azyq-túlik jáne azyq-túlik emes), jabyq sport obektileri (sport keshenderi, sport mektepteri, sport klýbtary, jattyǵý zaldary) jáne sporttyq-saýyqtyrý ortalyqtary, fitnes klýbtar, sonyń ishinde ioga ortalyqtary, saýda, oiyn-saýyq úileri, saýda jelileri senbi-jeksenbi kúnderi jumysyn toqtatýy tiis», - dep jazylǵan qaýlyda.
