Aqtóbe oblysynyń Shalqar aýdanynda 6 qazanǵa qaraǵan túni qandy oqiǵa boldy. Aýyl mektebiniń direktory óz úiinde áieli men qyzyna birneshe jerden pyshaq salǵan, - dep habarlaidy Tengrinews.kz agenttigi "Astana" telearnasyna silteme jasap.
Telearna málimetinshe, júkti áieli men segiz jasar qyzy pyshaq jaraqatynan zardap shekken. Qandy oqiǵaǵa ne sebep bolǵany belgisiz. Politsiia er adamdy dereý qamaýǵa alyp, tergeý jumystaryn bastady.
"Shalqar oblystyq Politsiia departamenti Qylmystyq kodekstiń 99-baby "Adam óltirýge oqtalý" boiynsha qylmystyq is qozǵady. 37 jastaǵy kúdikti ustalyp, ýaqytsha ustaý izoliatoryna qamaldy. Quqyq qorǵaý sharalary aiasynda ózge málimetter jariia etilmeidi", - dedi PD Aqtóbe oblysy boiynsha baspasóz qyzmetiniń jetekshisi Erbolat Sarqulov.
Oblystyq bilim basqarmasy er adam mektep direktory bolyp jarty jyl jumys istegenin, buǵan deiin aýdandyq bilim bóliminde qyzmet atqarǵanyn aitty. Ol oqiǵadan keiin birden jumystan shyǵarylǵan.
"Ol qarapaiym otaǵasy, jaqsy jumysshy retinde kórinetin. Sáýir aiyna deiin aýdandyq bilim bóliminde ádisker qyzmetin atqardy. Sáýir aiynan bastap mektep direktory bolyp taǵaiyndaldy. 6 qazan jumystan bosatyldy", - dedi Aqtóbe oblysy bilim basqarmasynyń basshysy Joldas Bytyrhan.
