Aqtóbe oblysynda sheneýnik 14 million teńge jymqyrǵany úshin sottaldy. Bul qarajat aýdandy sýmen jabdyqtaýǵa bólingen, - dep habarlaidy Tengrinews.kz agenttigi diapazon.kz saityna silteme jasap.
2019 jylǵy qańtarda Jánibek Aidashev Temir aýdany TKSh bóliminiń basshysy laýazymyna taǵaiyndalǵan. Biraq jas sheneýnik óz laýazymyn biýdjetten aqsha jymqyrý maqsatynda paidalanǵan. Oǵan "Keńqiiaq-SK" KMK direktory Aigúl Sovetova men aqtóbelik tanysy Aidasheva kómektesken.
2019-2020 jyldar aralyǵynda Aidashev seriktesterimen birge biýdjetten 14 million teńgeden asa qarajat jymqyrǵan.
Olar ustalǵan ári kinásin moiyndap, prokýratýramen protsessýaldyq kelisim jasaǵan. 35 jastaǵy Jánibek Aidashevty 2,5 jylǵa bas bostandyǵynan aiyryp, oǵan memlekettik qyzmette ómir boiy jumys isteýge tyiym saldy. KMK direktory 2 jylǵa bas bostandyǵynan aiyryldy, biraq onyń kishkentai balasy bar, sondyqtan jaza eki jyldan keiin qoldanylady. Olardyń seriktesi 3 jylǵa bas bostandyǵynan shekteldi.
