اقتٶبە وبلىسىندا شەنەۋنٸك 14 ميلليون تەڭگە جىمقىرعانى ٷشٸن سوتتالدى. بۇل قاراجات اۋداندى سۋمەن جابدىقتاۋعا بٶلٸنگەن, - دەپ حابارلايدى Tengrinews.kz اگەنتتٸگٸ diapazon.kz سايتىنا سٸلتەمە جاساپ.
2019 جىلعى قاڭتاردا جەنٸبەك ايداشەۆ تەمٸر اۋدانى تكش بٶلٸمٸنٸڭ باسشىسى لاۋازىمىنا تاعايىندالعان. بٸراق جاس شەنەۋنٸك ٶز لاۋازىمىن بيۋدجەتتەن اقشا جىمقىرۋ ماقساتىندا پايدالانعان. وعان "كەڭقيياق-سك" كمك ديرەكتورى ايگٷل سوۆەتوۆا مەن اقتٶبەلٸك تانىسى ايداشەۆا كٶمەكتەسكەن.
2019-2020 جىلدار ارالىعىندا ايداشەۆ سەرٸكتەستەرٸمەن بٸرگە بيۋدجەتتەن 14 ميلليون تەڭگەدەن اسا قاراجات جىمقىرعان.
ولار ۇستالعان ەرٸ كٸنەسٸن مويىنداپ, پروكۋراتۋرامەن پروتسەسسۋالدىق كەلٸسٸم جاساعان. 35 جاستاعى جەنٸبەك ايداشەۆتى 2,5 جىلعا باس بوستاندىعىنان ايىرىپ, وعان مەملەكەتتٸك قىزمەتتە ٶمٸر بويى جۇمىس ٸستەۋگە تىيىم سالدى. كمك ديرەكتورى 2 جىلعا باس بوستاندىعىنان ايىرىلدى, بٸراق ونىڭ كٸشكەنتاي بالاسى بار, سوندىقتان جازا ەكٸ جىلدان كەيٸن قولدانىلادى. ولاردىڭ سەرٸكتەسٸ 3 جىلعا باس بوستاندىعىنان شەكتەلدٸ.
