Qarjy monitoringi agenttiginiń Aqtóbe oblysy boiynsha aýmaqtyq departamenti qarjy piramidasynyń belgileri bar "Crowd 1" kompaniiasyn anyqtady.
Jedel-izdestirý sharalary barysynda qarjy piramidasyn uiymdastyrǵandar ózderin "Crowd 1" halyqaralyq jelilik uiym retinde tanystyryp, halyqqa virtýaldy jer ýchaskelerin satyp alý úshin "paketterge" aqsha investitsiialaýdy usynǵany anyqtaldy.
"Paketter" aq, qara, altyn jáne titan dep birneshe túrge bólingen. Quny 99 eýrodan bastalyp, 2 499 eýroǵa deiin jetken.
"Osylaisha, uiymdastyrýshylar kompaniiaǵa aktivterdi tartyp, adamdardy táp-táýir paida tabýǵa bolatynyna sendirgen", - dep habarlaidy qarjy monitoringi agenttigi.
Qazir bul fakti boiynsha Qylmystyq kodekstiń 217-baby 1-bóligi boiynsha sotqa deiingi tergeý júrip jatyr.
Agenttik "Crowd 1" qarjy piramidasynyń qurbany bolǵan azamattardan Aqtóbe oblysy boiynsha Ekonomikalyq tergeý departamentine Aqtóbe qalasy, 8 naýryz 3A kóshesi mekenjaiy boiynsha nemese 8 (7132) 97-51-51 senim telefony arqyly habarlasýdy surady.
Buǵan deiin Aqmola oblysynda qarjy piramidasynyń belgileri bar River Coins Limited kompaniiasy anyqtalǵany habarlanǵan edi.
