قارجى مونيتورينگٸ اگەنتتٸگٸنٸڭ اقتٶبە وبلىسى بويىنشا اۋماقتىق دەپارتامەنتٸ قارجى پيراميداسىنىڭ بەلگٸلەرٸ بار "Crowd 1" كومپانيياسىن انىقتادى.
جەدەل-ٸزدەستٸرۋ شارالارى بارىسىندا قارجى پيراميداسىن ۇيىمداستىرعاندار ٶزدەرٸن "Crowd 1" حالىقارالىق جەلٸلٸك ۇيىم رەتٸندە تانىستىرىپ, حالىققا ۆيرتۋالدى جەر ۋچاسكەلەرٸن ساتىپ الۋ ٷشٸن "پاكەتتەرگە" اقشا ينۆەستيتسييالاۋدى ۇسىنعانى انىقتالدى.
"پاكەتتەر" اق, قارا, التىن جەنە تيتان دەپ بٸرنەشە تٷرگە بٶلٸنگەن. قۇنى 99 ەۋرودان باستالىپ, 2 499 ەۋروعا دەيٸن جەتكەن.
"وسىلايشا, ۇيىمداستىرۋشىلار كومپانيياعا اكتيۆتەردٸ تارتىپ, ادامداردى تەپ-تەۋٸر پايدا تابۋعا بولاتىنىنا سەندٸرگەن", - دەپ حابارلايدى قارجى مونيتورينگٸ اگەنتتٸگٸ.
قازٸر بۇل فاكتٸ بويىنشا قىلمىستىق كودەكستٸڭ 217-بابى 1-بٶلٸگٸ بويىنشا سوتقا دەيٸنگٸ تەرگەۋ جٷرٸپ جاتىر.
اگەنتتٸك "Crowd 1" قارجى پيراميداسىنىڭ قۇربانى بولعان ازاماتتاردان اقتٶبە وبلىسى بويىنشا ەكونوميكالىق تەرگەۋ دەپارتامەنتٸنە اقتٶبە قالاسى, 8 ناۋرىز 3ا كٶشەسٸ مەكەنجايى بويىنشا نەمەسە 8 (7132) 97-51-51 سەنٸم تەلەفونى ارقىلى حابارلاسۋدى سۇرادى.
بۇعان دەيٸن اقمولا وبلىسىندا قارجى پيراميداسىنىڭ بەلگٸلەرٸ بار River Coins Limited كومپانيياسى انىقتالعانى حابارلانعان ەدٸ.
