Foto: ashyq derekkóz
Aqtóbe oblysynyń prokýratýrasy 2025 jyly memleket kirisine 1 mlrd teńgeden asa qarajat óndirýge qol jetkizdi, dep habarlaidy Ult.kz.
Qaitarylǵan qarjy memlekettik satyp alýlar boiynsha mindettemelerdi oryndamaý, kelisimsharttardy qamtamasyz etý tólemderi, turaqsyzdyq aiyby jáne salyq bereshekterin óteý esebinen túsgen.
Prokýratýra keltirgen derekke súiensek, eń iri faktilerdiń biri – oblystyq qurylys basqarmasy men «MIR-A Construction» JShS arasyndaǵy Baiǵanin aýdany, Matai aýylynda oqý-jattyǵý bazasyn salýǵa qatysty kelisimshartqa bailanysty. Joba aiasynda merdigerge 288 mln teńge avans aýdarylǵanymen, shart keiin birjaqty toqtatylyp, kompaniia qarajatty bir jyldan asa ýaqyt boiy qaitarmaǵan.
Prokýrorlyq qadaǵalaýdyń nátijesinde bul soma tolyq óndirilip, biýdjetke tústi.
Vedomstvonyń málimetinshe, memlekettik qarjynyń maqsatty jumsalýyn qamtamasyz etý baǵytyndaǵy jumys turaqty túrde jalǵasady jáne qatań baqylaýda.
