Aqtóbe oblysynda kásiporyndardy jańǵyrtý jónindegi Jol kartasy sátti iske asyrylýda: qazirdiń ózinde 13 kásiporyn jańǵyrtyldy. Aǵymdaǵy jyldyń aiaǵyna deiin taǵy da 5 kásiporyn jetildiriletin bolady. 20 kásiporyndy tehnologiialyq jańǵyrtýdyń jalpy quny – 20 mlrd teńge.
- Elbasynyń «Qazaqstannyń úshinshi jańǵyrýy: jahandyq básekege qabilettilik» Joldaýyn Aqtóbe oblysy belsendi iske asyrýda. Kásiporyndardy jańǵyrtý jónindegi Jol kartasy aiasynda, aǵymdaǵy jyly 15 óndiris qaita quryldy jáne tehnologiialyq jańǵyrtyldy. Olardyń qatarynda «Voshod-Oriel» JShS, «KMK Munai» AQ, Aqtóbe bolat qorytý zaýyty, «Energosistema» JShS, «AHQZ» AQ jáne t.b. bar, - dep habarlady Ortalyq kommýnikatsiialar qyzmetindegi baspasóz konferentsiiada óńir basshysy Berdibek Saparbaev.
Budan basqa, oblys ákiminiń málimdeýi boiynsha aǵymdaǵy jyldyń aiaǵyna deiin taǵy da 5 óndiriste tehnologiialyq jetildirý jónindegi jumystar aiaqtalatyn bolady.
- Bul eńbek ónimdiligin 9% arttyrýǵa, ónimdi shyǵarý men qaita óńdeýdiń ózindik qunyn 3% jáne jaraqattaný deńgeiin 10% tómendetýge, sondai-aq ekologiialyq ahýaldy jaqsartýǵa jáne jańa baǵyttardy iske qosý esebinen shyǵarylatyn ónimniń túrlerin ulǵaitýǵa múmkindik beredi,- dep atap ótti Berdibek Saparbaev.
Aldaǵy 5 jyl ishinde jalpy somasy 400 mlrd teńge bolatyn oblys kásiporyndarynda jabdyqtardy jańǵyrtý men tehnologiialyq úderister júrgiziletin bolady.
