Búgin fýtboldan Premer-liga komandalary arasyndaǵy el birinshiligi tórtinshi týrynyń alǵashqy oiyn kúni aiaqtaldy, dep habarlaidy "Ult aqparat".
Búgingi sońǵy kezdesýde Almaty qalasyndaǵy «Jas qyran» stadionynda «Aqtóbe» men Shymkenttiń «Ordabasy» komandalary sheberlik baiqasty. Bul oiynda barlyǵy segiz gol soǵyldy. Shymkenttik klýb qatarynan Temirlan Erlanov 12, Joao Paolo 36, 74, Sergeý Hijnichenko 92-minýttarda mergendik tanytty. Oǵan «Aqtóbe» quramynan Igor Sergeev 27, Erkebulan Nurǵaliev 43, Rifat Nurmuǵamet 86, Mihal Ierabek 94-minýttarda soqqan goldarymen jaýap qaiyrdy. Osylaisha kezdesýde komandalar 4:4 esebimen teń tústi.
Taǵy bir kezdesýde Qyzylordada jergilikti «Qaisar» Aqtaýdyń «Kaspii» klýbyn 2:1 esebimen tize búktirdi. Aldymen aqtaýlyq komandadan Rýslan Mingazov 26-minýtta esep ashty. Al ekinshi kezeńde qyzylordalyq klýbtan Karolis Laýkjemis 47, Shoqan Abzalov 81-minýtta kózdegen nysadan múlt ketken joq.
Sondai-aq, búgin óz alańynda «Taraz» Qaraǵandynyń «Shahterin» 4:0 esebimen tize búktirse, Oraldyń «Aqjaiyǵy» Petropavldyń «Qyzyljaryna» 0:1 esebimen ese jiberdi.
Erteń 10 sáýirde Taldyqorǵanda jergilikti «Jetisý» men Qostanaidyń «Tobyl» klýbtary kezdesse, Almatyda «Qairat» pen Túrkistannyń «Turan» klýbtary oinaidy. Atalǵan týrdaǵy sońǵy oiyn 19.00-de elordada «Astana» men «Atyraý» arasynda bolady.
