بٷگٸن فۋتبولدان پرەمەر-ليگا كوماندالارى اراسىنداعى ەل بٸرٸنشٸلٸگٸ تٶرتٸنشٸ تۋرىنىڭ العاشقى ويىن كٷنٸ اياقتالدى, دەپ حابارلايدى "ۇلت اقپارات".
بٷگٸنگٸ سوڭعى كەزدەسۋدە الماتى قالاسىنداعى «جاس قىران» ستاديونىندا «اقتٶبە» مەن شىمكەنتتٸڭ «ورداباسى» كوماندالارى شەبەرلٸك بايقاستى. بۇل ويىندا بارلىعى سەگٸز گول سوعىلدى. شىمكەنتتٸك كلۋب قاتارىنان تەمٸرلان ەرلانوۆ 12, جواو پاولو 36, 74, سەرگەۋ حيجنيچەنكو 92-مينۋتتاردا مەرگەندٸك تانىتتى. وعان «اقتٶبە» قۇرامىنان يگور سەرگەەۆ 27, ەركەبۇلان نۇرعاليەۆ 43, ريفات نۇرمۇعامەت 86, ميحال يەرابەك 94-مينۋتتاردا سوققان گولدارىمەن جاۋاپ قايىردى. وسىلايشا كەزدەسۋدە كوماندالار 4:4 ەسەبٸمەن تەڭ تٷستٸ.
تاعى بٸر كەزدەسۋدە قىزىلوردادا جەرگٸلٸكتٸ «قايسار» اقتاۋدىڭ «كاسپيي» كلۋبىن 2:1 ەسەبٸمەن تٸزە بٷكتٸردٸ. الدىمەن اقتاۋلىق كوماندادان رۋسلان مينگازوۆ 26-مينۋتتا ەسەپ اشتى. ال ەكٸنشٸ كەزەڭدە قىزىلوردالىق كلۋبتان كاروليس لاۋكجەميس 47, شوقان ابزالوۆ 81-مينۋتتا كٶزدەگەن نىسادان مٷلت كەتكەن جوق.
سونداي-اق, بٷگٸن ٶز الاڭىندا «تاراز» قاراعاندىنىڭ «شاحتەرٸن» 4:0 ەسەبٸمەن تٸزە بٷكتٸرسە, ورالدىڭ «اقجايىعى» پەتروپاۆلدىڭ «قىزىلجارىنا» 0:1 ەسەبٸمەن ەسە جٸبەردٸ.
ەرتەڭ 10 سەۋٸردە تالدىقورعاندا جەرگٸلٸكتٸ «جەتٸسۋ» مەن قوستانايدىڭ «توبىل» كلۋبتارى كەزدەسسە, الماتىدا «قايرات» پەن تٷركٸستاننىڭ «تۇران» كلۋبتارى وينايدى. اتالعان تۋرداعى سوڭعى ويىن 19.00-دە ەلوردادا «استانا» مەن «اتىراۋ» اراسىندا بولادى.
