Aqtóbede orta mektepke aqyn Fariza Ońǵarsynovaǵa arnap eskertkish taqta ashyldy. Murajai da jasaqtalyp jatyr, dep habarlaidy QazAqparat tilshisi.
Táýelsizdik kúnine orai Aqtóbe qalasyndaǵy №41 mektep-gimnaziiasynyń ǵimaratynda Fariza Ońǵarsynovanyń qurmetine eskertkish taqta ornatyldy. Saltanatty sharaǵa Aqtóbe oblysynyń ákimi Berdibek Saparbaev, aqynnyń uly Almas Ońǵarsynov, qoǵam qairatkeri ári jazýshy Ábish Kekilbaevtyń jubaiy Klara Jumabaeva qatysty.
«Táýelsiz elimizdiń qalyptasýynda qazaq halqynyń dańqty qyzy Fariza Ońǵarsynovanyń róli mańyzdy. Ol qazaq poeziiasyn damytýǵa eleýli úles qosyp, ádebietke óshpes izin qaldyrdy. Onyń qalamynan mahabatty, erlik isterdi, adamdardyń qaisarlyǵyn jyrlaityn júzdegen shyǵarmalar shyqty. Sondyqtan memleketimizdiń mańyzdy merekesi qarsańynda ataqty aqyn qyzdyń esimi berilgen mektepte eskertkish taqta ornatyldy», - dedi óńir basshysy Berdibek Saparbaev.
Mektepte F.Ońǵarsynova atyndaǵy murajai ashyldy. Munda oqýshylar ataqty aqyn qyzdyń ómirbaianymen jáne shaǵyrmashylyǵymen tanysa alady. Almas Ońǵarsynov murajaiǵa anasynyń 12 tomdyq shyǵarmalar jinaǵyn syiǵa tartty.
Aita keteiik, aqyn Fariza Ońǵarsynova atyndaǵy 600 oryndyq jalpy bilim beretin mektep-gimnaziia osy jyldyń tamyz aiynda ashyldy.
