Foto: instagram.com/saniya_bulqairqyzy
Aqtóbe máslihatynyń depýtaty Sániia Muratova júrgizýshi kýáliginen jáne depýtattyq ókiletinen aiyryldy, - dep habarlaidy Tengrinews.kz tilshisi.
53 jastaǵy eks-depýtat aldaǵy jarty jylda kólik júrgize almaidy.
25 qyrkúiekte ákimshilik quqyq buzýshylyq ister jónindegi mamandandyrylǵan aýdanaralyq soty oǵan qatysty isti qarady. Muratova QR ÁQBtK-niń 596-baby 3-bóliginde kózdelgen quqyqbuzýshylyqty jasaǵany úshin alty ai merzimge kólik quralyn basqarý quqyǵynan aiyryldy. Ózi sotqa kelmedi.
"2023 jyldyń 5 qyrkúieginde tańǵy saǵat jetiler shamasynda azamatsha Sániia Bulqaiyrqyzy Muratova Moldaǵulova kóshesi men Sáńkibai-Batyr dańǵyly qiylysynda alty jolaqty jolda qos úziksiz syzyqty kesip ótken. Osyǵan bailanysty onyń ústinen ÁQBtK-niń 596-baby 3-bóligi boiynsha hattama toltyryldy. Sániia Muratova zańbuzýshylyqpen kelisip, hattamaǵa qol qoidy", - dedi sotqa qatysqan Aqtóbe qalalyq PB patrýldik politsiia inspektory Músirep Janbolatuly oqiǵanyń keibir jai-japsary týraly.
Aita keteiik, osyǵan deiin depýtat Muratova jol qozǵalysy erejesin eki ret buzǵany habarlanǵan bolatyn. Birinshi jaǵdaida, ol kólikti júrgizip kele jatyp, qos úziksiz syzyqty kesip ótken. Arada bir apta ótkende, 20 qyrkúiekte depýtattyń kólikti mas kúide basqarǵany tirkeldi. Ekinshi fakt boiynsha sot isti áli qaraǵan joq.
Sániia Muratova depýtattyq ókiletinen aiyrylǵany belgili boldy. Aqtóbe qalalyq máslihatynyń tóraǵasy Anar Darjanovanyń aitýynsha, sessiia otyrysynda Aqtóbe qalalyq máslihatynyń depýtattary Sániia Muratovanyń depýtattyq ókiletin merziminen buryn toqtatý týraly Aqtóbe aýmaqtyq sailaý komissiiasynyń (ASK) usynysyn qarady. Ony depýtattar qarap, qoldady.
"S.Muratovanyń ókilettigi toqtatyldy", - dedi Aqtóbe qalalyq máslihatynyń tóraǵasy Anar Darjanova.
