Júk tasymaldaýshy 11 júrgizýshi Aqtóbe oblysynyń kásipkerler palatasyna habarlasyp, Ýkrainadaǵy mekenjaiyn aitty, dep habarlaidy QazAqparat.
«Atameken» UKP Ýkrainadan shyǵa almai jatqan jáne kórshi memleketterdiń shekaralas aimaqtarynda turǵan júk kólikteri týraly derekter jinai bastady.
Aqt óbe oblysynan barlyǵy 11 júrgizýshi habarlasyp, qazirgi mekenjaiyn aitty.
Olar kólikterin tastap kete almaidy. Sebebi 11 kóliktiń 9-ynda júk bar.
Sondyqtan óńirlik kásipkerler palatasynda kásipkerlermen, júk tasymaldaý kompaniialarynyń ókilderimen keńes ótkizý josparlandy.
«Barlyq óńirlik palata júrgizýshiler týraly derekterdi jinaqtap jatyr. Tizimderdi jedel túrde Ulttyq palataǵa jiberemiz. Olar ýákiletti vedomstvolarǵa joldaidy. Jýrnalister arqyly kásipkerlerge, júrgizýshilerge júgingimiz keledi. Eger siz nemese sizdiń kompaniiańyzdyń júrgizýshisi Ýkrainadan shyǵa almai qalsa +7 778-870-1432 nómirine habarlasýǵa bolady. Bul UKP call-ortalyǵy. Nemese +7 701-784-8582 nómirine habarlasyńyz. Bul - meniń bailanys nómirim. Búgingi kúni júk tasymaldaýshy júrgizýshilerden 11 aqparat qabyldandy. Onyń toǵyzynda júk bar, al úsh kólik bos. Atameken UKP olarmen bailanysta. Ýkrainadan júk tiep kele jatqandardyń elge oralýy úshin jedel sharalaryn uiymdastyrylyp jatyr», - dedi Aqtóbe ÓKP direktorynyń orynbasary Rýslan Kýishinov.
