Búgin Aqtóbe oblysynyń ákimi Ońdasyn Orazalin Aqtóbe qalasynyń ákimi Iliias Ispanovty basqa qyzmetke aýysýyna bailanysty Aqtóbe qalasynyń jańa ákimin tanystyrdy. Bul týraly qalalyq ákimdiktiń resmi saitynda habarlandy.
Aqtóbe oblysynyń ákimi Ońdasyn Orazalinniń ókimimen QR Prezident ákimshiligi jáne Aqtóbe qalalyq máslihat depýattarynyń kelisimi boiynsha Mavr Abdýllin Aqtóbe qalasynyń ákimi bolyp taǵaiyndaldy.
Qalanyń jańa basshysy Mavr Erǵaliuly Abdýllin 1973 jyly týǵan. Batys Qazaqstan aýyl sharýashylyǵy institýtyn ekonomist-menedjer mamandyǵy boiynsha bitirgen.
Oiyl aýdandyq mádeniet bóliminiń meńgerýshisi, Oiyl aýdany ákiminiń orynbasary, oblystyq aýyl sharýashyǵy basqarmasy basshysynyń orynbasary, Oiyl, Alǵa aýdandarynyń ákimi qyzmetterin atqardy, Aqtóbe oblysy ákiminiń birinshi orynbasary boldy.
Aqtóbe qalasyn sońǵy úsh jyldai ýaqyt basqarǵan Iliias Ispanovty ózimen úzeńgiles bolǵan áriptesteri búgin jańa qyzmetke shyǵaryp saldy. Oblys ákimi Ońdasyn Orazalin Iliias Ispanovqa sáttilik tiledi.
