Foto: videodan skrinshot
Aqtóbe qalasynda masa, shybyn-shirkei jáne kemirgishterge qarsy ýlaý jumystary mamyr aiynan beri júrgizilip keledi. Degenmen, qala kósheleri men turǵyn úi aýlalarynda usaq shybyndar áli de qaptap júr, dep habarlaidy Ult.kz.
Qala ákimdiginiń málimetinshe:
-
Dezinsektsiia jáne deratizatsiia jumystary 4 mamyrdan bastalǵan;
-
Jaz aiynda 4 myń gektardan astam aýmaqta 8 ret ýlaý júrgizilgen;
-
Kemirgishterge qarsy eki ret ý shashylyp, ol 175 gektardy qamtyǵan;
-
Saiabaqtar men alleialardy qosa alǵanda, 1700 gektardan astam jasyl jelekke ý sebilgen.
Jumys barysynda traktor, arnaiy búrikkishter, sý tasityn kólikter jáne drondar paidalanylǵan.
Ákimdiktiń túsindirýinshe, jaýyn-shashynnan keiin kún ysyp, ylǵal artqandyqtan, shybyn-shirkei kóbeigen. Ýlaý kezinde olardyń basqa aýmaqtarǵa kóshýi de baiqalady. Qazirgi tańda qaladaǵy Almaty jáne Astana aýdandarynda qosymsha monitoring júrgizilip jatyr. Nátijesinde, ásirese adamdar kóp júretin jerlerde qosymsha ýlaý jumystary qolǵa alynady.
