"Aqtóbe" fýtbol klýbynyń direktory ustaldy, - dep habarlaidy kaz.tengrinews.kz tilshisi Sybailas jemqorlyqqa qarsy is-qimyl ulttyq biýrosynyń baspasóz qyzmetine silteme jasap.
Sybailas jemqorlyqqa qarsy is-qimyl ulttyq biýrosy "Aqtóbe" oblystyq fýtbol klýby" AQ basshysynyń biýdjet qarajatyn jymqyrǵan derekterin anyqtady.
"Tergeýden AQ-nyń bas direktory Vasilevtiń syiaqylardy zańsyz tóleý jolymen biýdjetten 300 million teńge somasynda qarajat jymqyrǵany anyqtaldy. Vasilev syiaqyny jeke ózi sheshken", - dep habarlady Antikorrýptsiialyq qyzmettiń ókilderi.
"Onyń ishinde fýtboldan Qazaqstan chempionatynyń birinshi kezeńi aiaqtalǵansha úzdik altylyqqa enýge "Aqtóbe" FK fýtbolshylary men bapkerlerine 69 million teńge kóleminde zańsyz syiaqy berý deregi anyqtaldy. Kórsetilgen somanyń 15 million teńgesin Vasilev ózi alǵan", - delingen Ulttyq biýronyń habarlamasynda.
8 qarashada Antikorrýptsiialyq qyzmet Vasilevti QR Qylmystyq protsesstik-kodeksiniń 128-babynyń negizinde qstap, Aqtóbe oblysy boiynsha IID-niń ýaqytsha ustaý izoliatoryna qamaldy.
