"اقتٶبە" فۋتبول كلۋبىنىڭ ديرەكتورى ۇستالدى, - دەپ حابارلايدى kaz.tengrinews.kz تٸلشٸسٸ سىبايلاس جەمقورلىققا قارسى ٸس-قيمىل ۇلتتىق بيۋروسىنىڭ باسپاسٶز قىزمەتٸنە سٸلتەمە جاساپ.
سىبايلاس جەمقورلىققا قارسى ٸس-قيمىل ۇلتتىق بيۋروسى "اقتٶبە" وبلىستىق فۋتبول كلۋبى" اق باسشىسىنىڭ بيۋدجەت قاراجاتىن جىمقىرعان دەرەكتەرٸن انىقتادى.
"تەرگەۋدەن اق-نىڭ باس ديرەكتورى ۆاسيلەۆتٸڭ سىياقىلاردى زاڭسىز تٶلەۋ جولىمەن بيۋدجەتتەن 300 ميلليون تەڭگە سوماسىندا قاراجات جىمقىرعانى انىقتالدى. ۆاسيلەۆ سىياقىنى جەكە ٶزٸ شەشكەن", - دەپ حابارلادى انتيكوررۋپتسييالىق قىزمەتتٸڭ ٶكٸلدەرٸ.
"ونىڭ ٸشٸندە فۋتبولدان قازاقستان چەمپيوناتىنىڭ بٸرٸنشٸ كەزەڭٸ اياقتالعانشا ٷزدٸك التىلىققا ەنۋگە "اقتٶبە" فك فۋتبولشىلارى مەن باپكەرلەرٸنە 69 ميلليون تەڭگە كٶلەمٸندە زاڭسىز سىياقى بەرۋ دەرەگٸ انىقتالدى. كٶرسەتٸلگەن سومانىڭ 15 ميلليون تەڭگەسٸن ۆاسيلەۆ ٶزٸ العان", - دەلٸنگەن ۇلتتىق بيۋرونىڭ حابارلاماسىندا.
8 قاراشادا انتيكوررۋپتسييالىق قىزمەت ۆاسيلەۆتٸ قر قىلمىستىق پروتسەسستٸك-كودەكسٸنٸڭ 128-بابىنىڭ نەگٸزٸندە قستاپ, اقتٶبە وبلىسى بويىنشا ٸٸد-نٸڭ ۋاقىتشا ۇستاۋ يزولياتورىنا قامالدى.
