«Aqtóbe» FK oiynshylar aldyndaǵy qaryzdy tolyq ótedi. Fýtbol klýbyn jekeshelendirý isi keiingi shegerildi. Bul týraly Ortalyq kommýnikatsiialar qyzmetinde oblys ákimi Ońdasyn Orazalin aitty, dep habarlaidy "Ult aqparat".
«Ótken jyly «Aqtóbe» FK qiyn kezeńdi ótkerdi. Uiymdastyrý, qarjylandyrý arqyly komanda qaita jasaqtaldy. Birinshi ligadan Premer-Ligaǵa qaita oraldy. Jankúierler qýanyshty. Aýdandardy aralaǵan kezde olardyń da «Aqtóbe» FK erteńine alańdaitynyn, jany ashitynyn bildim. Zeinetkerler, jankúierler oiyn bolatyn kúni taksi jaldap, arnaiy keledi eken. Sol adamdardyń senimin aqtaý - bizdiń mindetimiz. Qazirgi kezde «Aqtóbe» FK oiynshylarǵa qaryz emes. Salyq ta ýaqtyly tólendi. Qazir bir oiynshymen arada sot otyrysy ótip jatyr. Bir mámilege kelemiz degen senim bar», - dedi Ońdasyn Orazalin.
Sonymen birge fýtboldy qoldaý maqsatynda qosymsha alań jóndelip, onda qysy-jazy jattyǵý jasaýǵa jaǵdai jasaldy. Aldaǵy ýaqytta Ortalyq stadion jóndeledi.
«Ortalyq stadion fýtbol klýbyna senimgerlik basqarýǵa berildi. Al qarjy tek «Aqtóbe» FK emes, shaǵyn fýtbol, balalar jáne jasóspirimder úiirmesine de beriledi. Keler jyly ońtailandyrý jumysy jalǵasady. Qarjylandyrý kezinde demeýshiler kómegine júginemiz», - dedi óńir basshysy.
