«Aqtóbe» FK eks-bas direktory Maqsat Tiýmaliev sot zalynan aqtalyp shyqty. Oǵan 10 million teńgeniń jeidesin satyp alýǵa zańsyz qarjy aýdardy dep aiyp taǵyldy, dep habarlaidy "Ult aqparat" oblystyq sottyń baspasóz qyzmetine silteme jasap.
«Aqtóbe» FK eks-bas direktory Maqsat Tiýmaliev pen jeke kásipker Farhat Imaevke qatysty tergeý alǵashynda Qylmystyq kodekstiń «Senip tapsymylǵan bóten múlikti iemdenip alý nemese talan-tarajǵa salý» baby boiynsha júrdi. Keiin sot otyrysy kezinde aiyptaý aktisi ózgerip, Qylmystyq kodekstiń «Aldaý nemese senimdi teris paidalaný jolymen múliktik zalal keltirý» babyna aýystyryldy. Búgin №2 Aqtóbe qalalyq soty «Aqtóbe» FK eks-bas direktory Maqsat Tiýmalievti qylmys quramy bolmaǵan soń aqtaýǵa úkim shyǵardy.
«Aiyptaý qorytyndysyna súiensek, «Aqtóbe» FK bas direktory bolǵan Maqsat Tiýmaliev aldyn ala sóz bailasý arqyly «Aqtóbe Dizain» JK-niń jetekshisi F.Imashevpen kelisim jasaidy. «Memlekettik satyp alý týraly» Zańyn saqtamai, iaǵni, memlekettik tapsyrys jasamai 2017 jyldyń mamyr aiynda taýardy, 10 million teńgeniń jeidesin jetkizý týraly kelisimshart jasaidy. Tergeý organdarynyń aitýynsha, taýar jetkizilmegen, al aqshany M.Tiýmaliev pen F.Imashev ózara bólip alǵan. Sot talqysy kezinde taǵylǵan aiyp tolyqqandy dáleldenbedi. Sot eki aiyptalýshyny aqtaýǵa úkim shyǵardy. Aiyptalýshylar aldaǵy ýaqytta qylmystyq jaýapkershilikke tartylǵany úshin moraldyq shyǵyn óndiredi alady», - dep habarlady oblystyq sottyń baspasóz qyzmeti.
Sot úkimi zańdy kúshine engen joq.
Eske salsaq, Maqsat Tiýmaliev 2017 jyly «Aqtóbe» FK bas direktor bolyp taǵaiyndalyp, jumys istedi.
