«اقتٶبە» فك ەكس-باس ديرەكتورى ماقسات تيۋماليەۆ سوت زالىنان اقتالىپ شىقتى. وعان 10 ميلليون تەڭگەنٸڭ جەيدەسٸن ساتىپ الۋعا زاڭسىز قارجى اۋداردى دەپ ايىپ تاعىلدى, دەپ حابارلايدى "ۇلت اقپارات" وبلىستىق سوتتىڭ باسپاسٶز قىزمەتٸنە سٸلتەمە جاساپ.
«اقتٶبە» فك ەكس-باس ديرەكتورى ماقسات تيۋماليەۆ پەن جەكە كەسٸپكەر فارحات يماەۆكە قاتىستى تەرگەۋ العاشىندا قىلمىستىق كودەكستٸڭ «سەنٸپ تاپسىمىلعان بٶتەن مٷلٸكتٸ يەمدەنٸپ الۋ نەمەسە تالان-تاراجعا سالۋ» بابى بويىنشا جٷردٸ. كەيٸن سوت وتىرىسى كەزٸندە ايىپتاۋ اكتٸسٸ ٶزگەرٸپ, قىلمىستىق كودەكستٸڭ «الداۋ نەمەسە سەنiمدٸ تەرٸس پايدالانۋ جولىمەن مٷلiكتiك زالال كەلتiرۋ» بابىنا اۋىستىرىلدى. بٷگٸن №2 اقتٶبە قالالىق سوتى «اقتٶبە» فك ەكس-باس ديرەكتورى ماقسات تيۋماليەۆتٸ قىلمىس قۇرامى بولماعان سوڭ اقتاۋعا ٷكٸم شىعاردى.
«ايىپتاۋ قورىتىندىسىنا سٷيەنسەك, «اقتٶبە» فك باس ديرەكتورى بولعان ماقسات تيۋماليەۆ الدىن الا سٶز بايلاسۋ ارقىلى «اقتٶبە ديزاين» جك-نٸڭ جەتەكشٸسٸ ف.يماشەۆپەن كەلٸسٸم جاسايدى. «مەملەكەتتٸك ساتىپ الۋ تۋرالى» زاڭىن ساقتاماي, ياعني, مەملەكەتتٸك تاپسىرىس جاساماي 2017 جىلدىڭ مامىر ايىندا تاۋاردى, 10 ميلليون تەڭگەنٸڭ جەيدەسٸن جەتكٸزۋ تۋرالى كەلٸسٸمشارت جاسايدى. تەرگەۋ ورگاندارىنىڭ ايتۋىنشا, تاۋار جەتكٸزٸلمەگەن, ال اقشانى م.تيۋماليەۆ پەن ف.يماشەۆ ٶزارا بٶلٸپ العان. سوت تالقىسى كەزٸندە تاعىلعان ايىپ تولىققاندى دەلەلدەنبەدٸ. سوت ەكٸ ايىپتالۋشىنى اقتاۋعا ٷكٸم شىعاردى. ايىپتالۋشىلار الداعى ۋاقىتتا قىلمىستىق جاۋاپكەرشٸلٸككە تارتىلعانى ٷشٸن مورالدىق شىعىن ٶندٸرەدٸ الادى», - دەپ حابارلادى وبلىستىق سوتتىڭ باسپاسٶز قىزمەتٸ.
سوت ٷكٸمٸ زاڭدى كٷشٸنە ەنگەن جوق.
ەسكە سالساق, ماقسات تيۋماليەۆ 2017 جىلى «اقتٶبە» فك باس ديرەكتور بولىپ تاعايىندالىپ, جۇمىس ٸستەدٸ.
