«Aqtóbe qalasy ákimi apparaty» memlekettik mekemesiniń bir basshysyna qatysty qylmystyq isti tergelýde. Bul týraly QR Sybailas jemqorlyqqa qarsy is-qimyl agenttigi 1-shi departamentiniń asa mańyzdy ister jónindegi tergeýshisi Daniiar Biǵaidarov aitty, dep habarlaidy "Ult aqparat".
«Atalǵan tulǵa 2019 jyldyń qazan aiynan bastap 2020 jyldyń naýryz aiyna deiin mekemeniń basqa qyzmetkeri jáne jeke kásipkerlermen aldyn ala kelisim jasai otyryp, jalǵan memlekettik satyp alý týraly kelisim-sharttar jasasý arqyly 9,9 mln teńge somasyndaǵy biýdjet qarajatyn jymqyrdy dep kúdiktelýde», - dedi departament tergeýshisi agentti alańynda ótken onlain brifing barysynda.
Onyń atap ótýinshe, 2020 jyldyń 6 naýryzynda kúdikti merdigerden 1,9 million teńge mólsherde qolma-qol aqshany alý kezinde ustaldy.
«7 naýryzda oǵan 2 ai merzimge «qamaýda ustaý» túrindegi bultartpaý sharasy sanktsiialandy. Kúdiktilerge qatysty sońǵy sheshimdi sot olardyń kinásiniń dárejesin anyqtai otyryp shyǵarady», - dedi Daniiar Biǵaidarov.
