Aqtóbe ákimdigi 50 qolshatyr satyp aldy. Oblys ákimdiginiń is basqarý basqarmasy qolshatyrdy ishki jáne halyqaralyq kezdesýlerde qoldanatynyn aitty, habarlaidy QazAqparat.
Qolshatyr satyp alý jónindegi habarlandyrý 2021 jyldyń maýsym aiynda shyqqan. Alǵashqy baǵasy - 428 571, 60 teńge.
«Satyp alý qorytyndysy boiynsha jáne jeńildikti eskere otyryp «Mýlbaeva» JK jáne «TAMI» JK-men 195 570 teńge kóleminde taýar jetkizýge shart jasaldy. Bul satyp alý resmi delegatsiianyń (ishki jáne halyqaralyq) aldaǵy úsh jylǵa kezdesýlerin uiymdastyrý perspektivasy úshin qajet boldy. Negizi úsh jyl saiyn satyp alynady. Shetelden kelgen delegatsiianyń kómekshileri jańbyrly, qarly kúni paidalana alady. Eki túri bar. Birinshisiniń qolǵa ustaityn jeri aǵashtan jasalǵan. Eki adamǵa arnalǵany. Bul qolshatyrdy delegatsiia kelgende paidalandyq», - dedi Aqtóbe oblysy ákimdiginiń is basqarý basqarmasy basshysynyń mindetin atqarýshy Meiram Áýelbekov.
