Foto: Egor Aleev/TASS
Úkimet «Jańaózen – Aqtaý» gaz qubyrynan avtomattandyrylǵan gaz taratý stansasy ornatylatyn magistraldyq gaz qubyry qurylysyn aiaqtaý úshin óz rezervinen 3 mlrd 695 mln 925 myń teńge bóledi. Premer-Ministr Álihan Smaiylov tiisti qaýlyǵa qol qoidy, dep habarlaidy "Ult aqparat" Úkimettiń baspasóz qyzmetine silteme jasap.
"Búginde Aqtaýdyń soltústik bóligi qarqyndy damyp keledi. Atap aitqanda, kóp qabatty turǵyn úiler men áleýmettik nysandar qurylysy júrip jatyr. Biyl qalanyń keńeiip kele jatqan bóligin jylýmen qamtý maqsatynda birqatar blok-modýldi qazandyqtardy ornatý jáne eki jańa qazandyq salý josparlanǵan. Jańa qýat kózderi gazben jumys isteitin bolady, osyǵan bailanysty tiisti infraqurylymdy keńeitý qajet" - delingen habarlamada.
Jalpy uzyndyǵy 52 shaqyrym bolatyn jańa gaz qubyry Aqtaý qalasynyń jańa shaǵyn aýdandary, Munaily aýdanyndaǵy Qyzyltóbe, Dáýlet, Baiandy aýyldary, sondai-aq Túpqaraǵan aýdanyndaǵy Aqshuqyr men Saiyn Shapaǵatov aýyldarynyń 150 myńǵa jýyq turǵynyn jylýmen jáne taýarlyq gazben qamtamasyz etpek.
Joba qurylysy Kaspii energetikalyq habynyń syrtqy infraqurylymyn damytý aiasynda júrgizilip jatyr.
