Aqtaý qalalyq sotynyń tóraǵasy Málik Kenjaliev sot ádebine jat áreket jasaǵany úshin qyzmetinen bosatyldy, dep habarlady Lada.kz Mańǵystaý oblystyq sotynyń baspasóz qyzmetine silteme jasap.
Sheshimdi 7 aqpanda sýdialar alqasynyń tártiptik komissiiasy qabyldaǵan. Komissiia Kaspii teńizi jaǵalaýynda kottedj salý kezinde Málik Kenjaliev Ózbekstan azamattaryn jaldaǵanyn anyqtaǵan.
"Eki jyl buryn jumys berýshi atqarylǵan jumysqa 3,6 million teńge tóleýge kelisken, alaida jartysyn ǵana tólegen, 1,8 million teńge qaryz bolǵan. Brigadir sýdiadan birneshe ret telefonmen jáne SMS arqyly qalǵan somany qaitarýdy suraǵan. Biraq sýdia tóleýden bas tartyp, qurylysshylardy balaǵattap, túrmege otyrǵyzamyn dep qorqytqan", - dep túsindirdi basylym.
Oblystyq sottyń baspasóz qyzmeti Sýdialardyń ádep kodeksiniń 1-babyna sáikes, sýdia óziniń antyna adal bolýy, etikalyq normalardy qatań saqtaýy jáne sot biliginiń bedelin tómendetetin jáne sýdianyń bedeline nuqsan keltiretin áreketterden aýlaq bolýy tiis dep atap ótken.
