Foto: lada.kz
Aqtaýdaǵy áskeri bólimderdiń biriniń áskeri qyzmetkeri úide belgisiz zattyń jarylýynan zardap shekti. Dárigerler er adamnyń jaǵdaiy týraly aitty, - dep habarlaidy Tengrinews.kz agenttigi.
Mańǵystaý oblystyq aýrýhanasynyń málimetinshe, áskeri qyzmetker 3 jeltoqsanda jedel járdem kóligimen aýrýhananyń qabyldaý bólimine túsken.
"Naýqas saǵat 13:28-de jetkizildi. Qabyldaý kezinde ol barlyq suraqqa jaýap berdi. Dárigerler jaraqatqa shuǵyl tekserý júrgizip, sol qoldy bilekke deiin kesý týraly sheshim qabyldady. Qazir ol travmatologiia bóliminde emdelip jatyr", - dep habarlady aýrýhanada.
Jarylys áskeri qyzmetkerdiń páterinde bolǵan.
"Aqtaý áskeri bólimderiniń biriniń áskeri qyzmetshisi úide belgisiz zattyń jarylýynan jaraqat aldy. Oǵan qajetti meditsinalyq kómek kórsetildi. Bolǵan oqiǵanyń mán-jaiy anyqtalyp jatyr. Tergeý múddesi úshin ózge de aqparat jariia etilmeidi", - dep habarlady Aqtaý garnizonynyń baspasóz qyzmeti.
