5 aqpan kúni Aqtaý qalasynda kásibi boks keshi ótedi. Keshtiń basty jekpe-jeginde orta salmaqtaǵy qazaqstandyq boksshy Meiirim Nursultanov (15-0, 8KO) Resei sportshysy Andrei Sirotkinmen (19-1-1, 7KO) kezdesedi, dep habarlaidy QazAqparat VKontakte áleýmettik jelisindegi «Qazaqstannyń kásibi boksy» paraqshasyna silteme jasap.
Qarsylastar orta diviziondaǵy WBO International-dyń bos titýlyna talasady. Sondai-aq jarysqa Qazaqstan, Taiaý jáne Qiyr shyǵystyń ózge de boksshylary qatysady.
Kesh kórermenderi Nursultanov-Sirotkin jekpe-jeginen basqa kelesi aiqastardy tamashalai alady:
- Bekzad Nurdáýletov (3-0, 1KO) – Chiko Kýasi (Niderlandy, 5-0-1, 2KO), jartylai aýyr salmaqta WBO-dyń jastar arasyndaǵy álem chempiony titýly;
- Bekman Soilybaev (12-1, 4KO) – Eliot Chaves (Meksika, 10-3-1, 6KO), ekinshi jartylai aýyr salmaq;
- Saparbai Aidarov (6-0, 2KO) – Ragim Áliev (Ázerbaijan, 2-0, 2KO), orta salmaq;
- Arman Nurasylov (2-0, 1KO) – Ilia Medianik (2-0-1, 0KO), ekinshi orta salmaq. ⠀
- Samat Jetibaev (1-0, 1 KO) – Altai Qylyshbai (1-1, 0KO), eń jeńil salmaq. ⠀
- Qydyráli Murat (0-1) – Bogdan Ýtegenov (Ózbekstan, debiýt), birinshi jartylai orta salmaq;
- Joldas Jeńgisov (1-0, 1KO) - Aidos Tastaev (1-2, 1KO), ekinshi jartylai orta salmaq .
