Foto:elements.envato.com
Aqtaý ákimdigi qaladaǵy ystyq sýǵa qatysty jaǵdai týraly aitty, - dep habarlaidy Tengrinews.kz agenttigi "Ladaǵa" silteme jasap.
Ákimdik málimetinshe, qazir jaǵdai turaqty. Túngi ýaqytta jylý jelilerinde apat bolǵan joq. Aqtaýda ystyq sý berý qalpyna kelgen joq.
"Qazirgi ýaqytta keibir shaǵynaýdandarda jylýdyń joqtyǵyna qatysty shaǵymdar bar. Sebepterdi joiý jáne jylý júielerin retteý jumystary júrgizilip jatyr", - dedi qala ákimdigi.
Sondai-aq, ákimdik ókilderi ár mekenjai boiynsha jeke tekseris júrgizilip jatqanyn, qalanyń 60 paiyzynda páterlerde ishki jylý júiesine ózgerister engizilgenin atap ótti.
Aita keteiik, buǵan deiin Mańǵystaý oblysynyń ákimi oblys ákiminiń birinshi orynbasary Bekbol Orynbasarovqa, qala ákimi Erbol Izbergenovke, energetika jáne turǵyn úi-kommýnaldyq sharýashylyq basqarmasynyń basshysy Berdibek Qartbaevqa, "MAEK" bas direktory Talǵat Esentúgelov pen onyń orynbasary Murat Igalievke sógis jariialaǵan bolatyn.
