Foto: facebook.com/azamat.sarsenbaev
Aqtaýda kópqabatty turǵyn úidiń kireberisindegi beton tóbe opyrylyp, bir adam kóz jumdy, - dep habarlaidy "Ult aqparat" Lada.kz saityna silteme jasap.
Oqiǵa búgin bolǵan. Saldarynan bir adam qaza taýyp, zardap shekken eki adam aýrýhanaǵa jetkizilgen.
"Bir er adamdy qutqarý múmkin bolmady. Ol alǵan jaraqattarynan oqiǵa ornynda qaza tapty. Taǵy eki adam aýrýhanaǵa jetkizildi. Olar meditsinalyq tekserýden ótip jatyr", - dedi Mańǵystaý oblysy kópsalaly aýrýhanasynyń baspasóz qyzmeti.
Qaitys bolǵandar men zardap shekkender merdiger kompaniia qyzmetkerleri ekeni belgili boldy. Er adamdar beton tóbeni bólshektep buzyp jatqan.
