Foto: instagram.com/azamat_sarsenbayev
Aqtaýda ushaq apatyn dron arqyly túsirgeni úshin qamaýǵa alynǵan bloger Azamat Sársenbaev bostandyqqa shyqty, - dep habarlaidy Ult.kz.
Bul týraly Azamat Sársenbaev áleýmettik jelidegi paraqshasynda aitty.
"Qosh keldiń, 2025... Er adamnyń basynan ne ótpeidi!? 10 kún boiy, úiden 150 shaqyrym alysta osy nárseni kóp oiladym. Shynymdy aitsam, mundai nárse basymnan ótkenine de rizamyn. Jalpy, dostar, kóp nárse jazǵym keledi. Biraq eń aldymen áielim men balalarymdy qushaǵyma basyp, ystyq dýshqa túsip, jyly jerde uiyqtap alǵym keledi. Qalǵanyn sosyn aitamyn, sebebi meniń aitarym bar...", - deidi bloger.
Eske sala ketsek, 25 jeltoqsanda Aqtaýda apatqa ushyraǵan ushaqty dron arqyly túsirgen bloger ustalǵany belgili bolǵan. Bloger Instagram-paraqshasynda ózin Aqtaý qalalyq politsiia basqarmasyna aparǵanyn aitqan.
Al Mańǵystaý oblysy politsiia departamenti Sársenbaevtyń qoǵamdyq tártipti buzǵanyn málimdegen.
"Ol oqiǵa ornynda dron ushyryp, qutqarý jáne tergeý jumystaryna kedergi keltirdi jáne politsiia qyzmetkerleriniń zańdy talaptaryna baǵynbady. Qazir quqyqbuzýshy politsiia basqarmasyna jetkizildi, oǵan qatysty qoldanystaǵy zańnamaǵa sáikes sharalar qabyldanady", - degen bolatyn politsiia.
