Aqtaýlyq politseiler teńiz jaǵalaýynda kóligimen qaýipti triýk jasaǵan júrgizýshige tórt hattama toltyrdy, dep habarlaidy "Ult aqparat".
Mańǵystaý oblysy politsiia departamentniń málimetinshe, tártip buzýshynyń avtokóligi aiyp turaǵyna qoiylǵan.
Aqtaý politsiia basqarmasy patrýldik politsiia batalonynyń qyzmetkerleri «Toyota Camry» júrgizýshisiniń jeke basyn anyqtady. Ol 15-shaǵynaýdandaǵy jaǵalaýdyń jaiaý júrginshiler aimaǵynda drift uiymdastyrǵan.
«Tártip buzǵan turǵynǵa qatysty QR ÁQBtK 595-babynyń 1-bóligi (manevr jasaý qaǵidalaryn buzý), 596-babynyń 1-bóligi (jaiaý júrginshiler jolymen, jol jiegimen nemese trotýarmen júrý qaǵidalaryn buza otyryp júrý), 601-babynyń 1-bóligi (jol belgilerimen nemese joldyń júrý bóliginiń tańbalarymen uiǵarylǵan talaptardy saqtamaý) jáne 612-babynyń 2-bóligi (kólik quralyn basqarýǵa quqyǵy joq adamnyń kólik sanaty) boiynsha ákimshilik hattama toltyryldy» delingen habarlamada.
Jalpy júrgizýshige 43 ailyq eseptik kórsetkish mólsherinde aiyppul salynady. Shamamen 119 454 teńge. Kólik aiyp turaǵyna qoiyldy.
